Rutas Guiadas ao Monte Pindo

Dende hai xa uns anos, dende o departamento de Turismo do Concello de Dumbría lévanse a cabo unhas rutas guiadas ao Monte Pindo no verán.

En 2018 tiñan lugar cada martes e xoves de xullo, agosto e setembro sempre e cando as condicións meteorolóxicas o permitisen.

Toda unha experiencia para gozar dunha media xornada de verán camiñando polo monte, ampliando coñecementos e sabiduría popular da man do Señor Pepe do Fieiro e culminando o ascenso cunha panorámica impresionante dente A Moa, o alto do Monte Pindo, a uns 627m sobre o nivel do mar.

REQUIRIMENTOS:

• Inscribirse previamente no CIR Monte Pindo e Fervenza do Ézaro, na Oficina de Turismo (OIT) do Ézaro ou chamando ao 662 346 927.
• O prazo de inscrición remata a véspera do día da ruta ás 15h.
• Ter vehículo propio. Ter en conta que os vehículos pesados non poderán acceder pola mesma estrada que os coches; co que terán que desprazarse con antelación ao punto de inicio da ruta.
• Menores de idade deben ir acompañados dun adulto.
• Admítense mascotas, sempre e cando se lles leve correa, algo de beber e algo de comer.

CONSELLOS:

• Levar roupa e calzado cómodos.
• Levar algo de comer e algo de beber.
• Poñer protección solar.
• Se padeces de reacción alérxica ás picaduras de insectos, mellor pon repelente previamente.
• Levar unha viseira/gorro/sombreiro.
• Levar unha chaqueta/cortaventos porque no cumio soe facer fresco.

DATOS DA RUTA:

• Saída: 09:00h do CIR Monte Pindo e Fervenza do Ézaro.
• Regreso: sobre as 14:00h, dependendo do ritmo do grupo.
• Lonxitude do trazado: 3.900 m (aprox).
• Pendente media: 7%
• Cota de inicio: 290 msnm.
• Cota de fin: 627 msnm.
• Dificultade: media-baixa.
• +INFO DA RUTA: RUTA PEGADAS DA HISTORIA

+INFO: turismodumbria@gmail.com – 662 34 69 27

#DumbríaéTurismo #DumbríaéDeporte